നിനക്കുള്ളത് നീ ചോദിച്ച് മേടിക്കുക അങ്ങനെയാണ് ചുണയുള്ള പെണ്ണുങ്ങൾ.. ഭർത്താവിൻറെ വർത്തമാനം കേട്ട് എനിക്കും തോന്നി. അത് ശരിയാണോ.. ശരി ആണല്ലോ അല്ലെങ്കിലും.. എനിക്ക് ഒന്നും വേണ്ട എന്ന് പറഞ്ഞുകൊണ്ട് വന്നതാണല്ലോ ഹരി ഏട്ടൻ.. വീട്ടുകാർ കിട്ടിയതെല്ലാം ലാഭം എന്ന് കരുതി കാര്യമായി എനിക്ക് ഒന്നും തന്നതുമില്ല.. അല്ലെങ്കിലും ഞാൻ വീട്ടിൽ എപ്പോഴും രണ്ടാമത് ആയിരുന്നു.. ഞാൻ എന്നല്ല സാധാരണ വീടുകളിലെ പെണ്ണുങ്ങളുടെയും അവസ്ഥ ഇതുതന്നെ ആണ്..
ചാകുമ്പോൾ ഞങ്ങൾക്ക് ഇത്തിരി വെള്ളം തരാൻ ഞങ്ങളുടെ ചെക്കൻ മാത്രമേ ഉണ്ടാവുകയുള്ളൂ എന്നൊക്കെ പറഞ്ഞിട്ട് ആകെ ഉള്ളത് മൊത്തം അനിയന് കൊടുക്കാനായിരുന്നു വീട്ടുകാർക്ക് താല്പര്യം.. പഠിക്കാൻ മിടുക്കി ആയിട്ടും പെണ്ണ് എന്തിനാ ഇത്രയും പഠിച്ചിട്ട് എന്നൊക്കെ പറഞ്ഞ് ഡിഗ്രി കഴിഞ്ഞതും പഠിത്തം നിർത്തിയതാണ് പിന്നെ ഗവൺമെൻറ് ജോലി നോക്കാല്ലേ എന്നുള്ള ഒരു വാഗ്ദാനവും.. ഒന്ന് രണ്ട് മാസം നിന്ന് തുടങ്ങിയപ്പോൾ വീട്ടിൽ തന്നെ മുറു മുറ്പ്പ് തുടങ്ങി..
വല്ലവടക്കും അടിച്ച ഓടിക്ക് പെണ്ണിനെ.. അല്ലെങ്കിൽ തിന്ന് വീർത്ത് ഇവിടെ തന്നെ ഇരിക്കും.. വല്ല കടയിൽ പോയി നിൽക്കാൻ പറ.. എന്ന് പറഞ്ഞത് സ്വന്തം അച്ഛൻ തന്നെയായിരുന്നു.. അങ്ങനെയാണ് ഒരു മരുന്ന് കടയിൽ ജോലിക്ക് പോയി തുടങ്ങിയത്.. മാസാമാസം കിട്ടുന്നത് മുഴുവൻ വാങ്ങിച്ച് എടുക്കാൻ ഒരു ഉളുപ്പും ഉണ്ടായിരുന്നില്ല എന്നുള്ളതാണ് സത്യം.. കൂടെ പഠിച്ച പലരും ടീച്ചർ ഒക്കെയായി പോകുന്നത് കാണുമ്പോൾ എൻറെ കണ്ണുകൾ നിറയും..
അനിയനെ പഠിപ്പിക്കാൻ വേണ്ടി അച്ഛൻ ബാങ്കിൽ ലോണിനൊക്കെ അപേക്ഷിക്കാൻ തുടക്കമായിരുന്നു.. അനിയനും മാസാമാസം ഉള്ള ചെലവുകൾ എല്ലാം അയച്ചുകൊടുക്കും.. അവൻ വരുമ്പോൾ മാത്രം വീട്ടിൽ ഇറച്ചി ഒക്കെ വാങ്ങിക്കും.. അല്ലാത്ത ദിവസങ്ങളിൽ കൊതി തോന്നിയിട്ട് ചോദിച്ചാൽ അച്ഛൻ പറയും ഇവിടെ കഴിക്കാൻ ആളില്ല എന്ന്.. അത് കണ്ടു മടുത്തപ്പോഴാണ് കല്യാണം എങ്കിൽ കല്യാണം എന്നുള്ള ഒരു തീരുമാനത്തിൽ എത്തുന്നത്.. ഒന്നും വേണ്ട പെണ്ണിനെ മാത്രം മതി എന്നു പറഞ്ഞുകൊണ്ട് ഹരിയേട്ടൻ വന്നപ്പോൾ രക്ഷപ്പെട്ടല്ലോ എന്ന് വിചാരിച്ചു.. കൂടുതൽ വിശദമായി അറിയാൻ വീഡിയോ കാണുക…